Една инфлуенсерка купила заборавен куфер на аеродром и се шокирала од тоа што го пронашла внатре
Ако сопствениците не се појават навреме, некои аеродроми одлучуваат да ги продадат тие торби, а ловците на поволни понуди едвај чекаат такво нешто.
Според правилото, купувачите обично не знаат што купуваат додека го отворат куферот, што го прави целиот процес повозбудлив (или ризичен).
За да провери дали се исплатат ваквите зделки, инфлуенсерката Беки одлучила да го примени тоа во пракса. За 129,99 фунти (155,94 евра), таа купила заборавен куфер. Иако ризикувала, била пријатно изненадена од тоа што го пронашла.
„Наводно, аеродромите со месеци се обидуваат да им влезат во трага на сопствениците, но ако не успеат, преостануваат две опции – да се запали куферот или да се отстранат сите лични податоци и да се продаде торбата“, рекла Беки, која својот куфер го набавила преку претприемач која се занимава со продажба на неиспорачани пакети и куфери.
Претставникот на оваа фирма појаснил:
Поврзани објави
„Дали некогаш сте се запрашале што се случува со неиспорачаните пакети на големите превозници? Тие не исчезнуваат туку-така. Честопати содржат вредни, потполно нови предмети, кои од една или друга причина не успеале да стигнат на својата дестинација. Тука ние стапуваме на сцена“, откриле од оваа служба.
Беки го споделила со своите следбеници моментот кога го отворила куферот.
„Купив нечиј изгубен багаж од аеродромот Хитроу, еве како помина тоа. Ако некој го препознае овој куфер, нека ми јави – би сакала повторно да ве ‘спојам’ со вашите работи“, раскажала Беки.
А во куферот пронашла вистинско богатство, поради што најпрво се скаменила. Навистина не го очекувала тоа – црни светкави UGG чизми, влечки Juicy Couture, еден куп облека, пегла за коса, бел ајпод, луксузна шминка, часовници…
Својот „улов“ го нарекла апсолутно луд, но и заклучила дека купувањето изгубен багаж секогаш претставува ризик.
ФОТО: Принтскрин Инстаграм / beckysbazaar
