Кина воведе санкции против американски поединци и одбранбени компании поради испорака на оружје на Тајван

Кинеското Министерство за надворешни работи обелодени дека Пекинг воведе ограничувања против десет лица и дваесет одбранбени претпријатија од САД, меѓу кои и огранокот на „Боинг“ во Сент Луис, Мисури. Причина за ваквиот потег е продажбата на воено оружје на Тајван.

Овие рестрикции вклучуваат замрзнување на сите финансиски средства што засегнатите компании и поединци ги имаат на кинеска територија. Дополнително, локалните организации и поединци добиваат забрана за каква било соработка со нив, информираше министерството.

Исто така, лицата кои се најдоа на листата на санкционирани нема да имаат можност да влезат во Кина.