Познатиот македонски музичар и дел од популарното дуо ДНК, Панчо, предизвика вистинска бура на социјалните мрежи со неговиот остар коментар упатен кон македонската музичка сцена. Во својата последна Инстаграм објава, Панчо директно ги нападна „тезга” пејачите и бендовите кои доминираат на фестивали и настани, а изведуваат 90% туѓи песни, без да имаат ниту три свои авторски дела во кариерата.
„До кога општините, пиво фестивалите и други музички манифестации ќе ангажирате македонски тезга пејачи и бендови кои пеат 90% туѓи песни, а бараат хонорари од 1.500 до 2.000 евра и вие ги плаќате?“ – прашува Панчо, потенцирајќи дека овие квази артисти, кои се прославуваат преку настапи со турбо-фолк репертоари, не им оставаат простор на младите и амбициозни музичари кои создаваат своја авторска музика.
Тој го потенцира и фактот дека музичките талент шоуа се отскочна даска за краткотраен успех, додека вистинските таленти остануваат во сенка. Според него, младите бендови кои се борат за своето место под сонцето со своја музика, немаат шанса да се пробијат во светот на настапи каде владее турбо-фолкот и старите хитови.
Поврзани објави
„Е после немало сцена…“ – завршува Панчо, повикувајќи на промена и поинаков пристап кон поддршката на домашните автори.
Дали овој гласен став на Панчо ќе предизвика промени во македонската музичка индустрија, останува да видиме. Но, едно е сигурно – неговата порака одекна силно во јавноста.
Фото: Инстаграм (djshortypofficial)
