Како да го натерате Исусовиот венец да цути и да го шири својот мирис како освежувач во домот? 7 правила за одгледување овошен цвет

Овошниот цвет или Исусов венец е тропска собна билка со сјајни, дебели листови. Прекрасните бујни листови со букети бел овошен цвет кои шират неверојатен мирис, ќе го направат вашиот дом бајковит.

Ако сакате Исусовиот цвет да ви цути, еве што треба да направите

Многу е тешко да го натерате ова растение да цути, но постојат шанси ако се придржувате до некои основни правила:

• На некои овошни цветови им треба да бидат стари две до пет години пред да можат да расцутат. Ако имате нова резница, запомнете дека трпението е најважно.
• Ако сакате вашиот Исусов венец да процвета, посадете го во поголема саксија и оставете го да се вкорени малку. Кога билката ќе се вклопи во саксијата, ќе може да троши енергија на цветовите.
• Светлината игра огромна улога за цутењето на тропска билка во затворен простор. Не само траењето, туку и интензитетот. Многу често сѐ што треба да направите за да ја поттикнете вашата собна билка да цвета е да ѝ дадете повеќе светлина.
• Иако овошните цветови не толерираат директно сонце, им треба многу силна индиректна светлина за да почнат да цутат. Поставете ја билката на место каде што ќе биде изложена на јака светлина 4 до 6 часа дневно.
• Најдобро е да одберете место близу до прозорецот каде што има најмногу дневна светлина. Поставете ја билката така што нема да биде директно изложена на сонце подолго од два часа дневна. Добри места за тоа се веднаш покрај прозорецот или 30-тина сантиметри од прозорецот на масичка.
• Како и сите торпски собни билки, овошните цветови успеваат во влажна средина, слична на џунгла. Им годи влажност од 40-60 отсто. За среќа, не мора да ја одржувате целата куќа влажна, само областа околу вашиот Исусов венец. Редовно прскајте ги неговите листови со распрскувач, поставете навлажнувач на воздухот во близина или ставете ја саксијата на сад со грагор. Само погрижете се саксијата да не стои во вода.
• Стресот е неопходен за цутењето на тропските билки. Не стрес од типот „заборавив дека имам Исусов венец шест месеца“, туку мини-суша. Не ја наводнувајте билката еден месец во рана пролет и овој краток период без вода може да биде доволен за да го покрене производството на пупки.

Веројатно се прашувате дали вреди да се заморувате толку со оваа билка. Вреди, затоа што има прекрасни ѕвездести цветови кои се розови и благо црвенкави кои растат во групи како букетчиња и шират прекрасен мирис како овошни бонбони.