Само неколку свежи состојки, една тава и стар кулинарски трик се доволни за едноставен домашен сос со богат вкус.
Нема потреба од часови готвење за вкусен домашен сос за тестенини. Италијанска баба стана хит на TikTok откако покажа едноставен рецепт со свежи домати кој се подготвува за околу 20 минути.
За сосот користи само шест домати, две чешниња лук, маслиново масло, босилек, сол и бибер. Токму едноставноста е она што го привлече вниманието на илјадници корисници.
Тајната е во тавата
На загреано маслиново масло прво се пропржува лукот. Кога ќе добие златна боја, се додаваат исечканите домати.
Тие се готват околу пет минути, додека не омекнат и почнат да се распаѓаат. Потоа со вилушка лесно се гмечат директно во тавата, со што постепено се создава густ и ароматичен сос. По вкус се додаваат сол и бибер, а љубителите на луто можат да стават и малку свежо чили.
@mynonnafina Nonna’s quick pasta sauce for when you don’t have time! 🍝 This is not a passata – just a fresh sauce using very ripe tomatoes 🍅😋 #italianfood #italian #pasta #spaghetti #easyrecipe #fyp ♬ original sound – Maddie and Nonna
Поврзани објави
Еден стар трик за совршена текстура
Пред крајот се додава свеж босилек, а доколку сосот е премногу густ, се додава малку вода. Во меѓувреме се вари тестенината, најдобро al dente. Кога е готова, не треба само да се прелее со сосот – се префрла директно во тавата и се меша со него.
Токму тука доаѓа уште еден важен трик: ако сосот не се поврзува добро со тестенината, се додава малку од водата во која се варела. Скробот од водата помага сосот убаво да се соедини со тестенината. На крај останува само да се додаде уште малку босилек или рендано сирење. Резултатот е брз домашен оброк со минимален број состојки.
