Во Нови Сад започна нов протест на кој се бара одговорност за падот на настрешницата од Железничката станица, кога на 1 ноември загинаа 14 лица, а тројца беа тешко повредени. Организиран е од младински активистички организации, СТАВ и СвиЌе. За време на протестот до 18 часот ќе биде блокиран преминот кај Железничката станица. Сликата од расплаканиот и раскрвавен гулаб, симболот на Нови Сад, беше поставена пред железничката станица каде пред 16 дена загинаа 14 лица, а три лица беа тешко ранети.
Како што пренесува Нова.рс, двајца мажи подигнале знамиња со натпис „Евромајдан Србија“, како и знамиња на Европската унија. Коментирајќи дека станува збор за провокација, Мила Пајиќ ги замолила да ги спуштат знамињата, по што следело туркање меѓу толпата. Граѓаните собрани на блокадата се оградија од оние што носеа знамиња на ЕУ и „Евромајдан“.
Како што дознава Индекс, станува збор за група активисти кои редовно се појавуваат на повеќето протести во Србија и со нив релативно често се случуваат вакви инциденти. За нив критичарите на власта велат дека се уфрлени елементи, редовни се на сите протести, секогаш истите двајца мажи со тие две знамиња.
