Зимската нега за зрела кожа мора внимателно да се избере доколку не сакате сувост, црвенило и дополнителна иритација на кожата во текот на јануари и февруари.
Повторно е тој период – времето на најсилните минуси и најниските температури кои владеат помеѓу празничната сезона и раната пролет. Постојаната изложеност на екстремен студ на отворено и дехидрирачка топлина во затворен простор може да предизвика штета на вашата кожа. Ова е особено точно ако вашата кожа е зрела, бидејќи и недостасува еластичност обезбедена од доволни количини на еластин и колаген. Затоа ви ја претставуваме идеалната зимска нега за зрела кожа.
Како зимата влијае на зрелата кожа?
За да знаете како да ја заштитите вашата кожа од негативните ефекти на зимата, најпрво треба да разберете како ова студено време влијае на вашата зрела кожа. Најважното нешто што треба да се запамети е дека стареењето ја намалува отпорноста на кожата да се справува со стресни фактори, вклучително и студеното време.
Ако имате зрела кожа, тоа значи дека е потенка и помалку еластична од младата кожа. Надворешниот слој на кожата е потенок, што ја прави помалку отпорна. Производството на колаген и еластин исто така се намалува, а тоа можете да го видите во појавата на опуштеност и брчки. Исто така способноста на вашата кожа да се лекува, исто така, се намалува со текот на времето.
Како да сте сигурни дека имате зрела кожа?
Постојат 4 индикатори кои ќе ви помогнат да одредите дали вашата кожа е зрела:
1.Фини линии и брчки во пределот на усните, устата и челото.
2.Губење на цврстина првпат забележано по должината на вилицата и образите.
3.Ќе забележите истенчување на кожата бидејќи крвните садови стануваат повидливи и кожата станува почувствителна.
4.Сувоста е карактеристичен знак за зрела кожа. Дури и ако вашата кожа порано била мрсна, ќе забележите дека оваа карактеристика се менува.
Дерматологот Софи Карбонари предлага процес од 6 чекори за заштита на зрелата кожа во зимските месеци.
Чекор 1: Чистење
Користете нежно, хидратантно средство за чистење за да избегнете отстранување на природните масла на вашата кожа.
Чекор 2: Тонер
Хидратантниот тонер ја подготвува кожата, ја надополнува изгубената влажност и ја подобрува апсорпцијата на активните состојки.
Поврзани објави
Чекор 3: Серум
Откако вашата кожа е подготвена, нанесете серум кој одговара на специфичните потреби на вашата кожа. За зрела кожа, серумите со хијалуронска киселина се одлични за длабока хидратација, пептидните серуми го поддржуваат производството на колаген и ја подобруваат цврстината на кожата, антиоксидативните серуми (како што е витаминот Ц) се борат со слободните радикали, ја осветлуваат кожата, а серумите со ретинол ја подобруваат текстурата и ги намалуваат фините линии.
Чекор 4: Хидратантна крема
Користете формула со хранливи материи прилагодени на зрела кожа, како што се церамиди, хијалуронска киселина, пептиди или растителни матични клетки.
Чекор 5: Масло за лице
Маслата за лице обезбедуваат дополнителна хидратација.
Чекор 6: Заштитен фактор
Последниот чекор е да се нанесе заштитен фактор во текот на денот за да се избегне оштетување од изложеност на УВ.
Што треба да се избегнува кога е во прашање зимската нега за зрела кожа?
Иако некои производи може да бидат корисни за потопло време, тие треба да се избегнуваат во текот на зимата. На пример, грубите пилинг средства како што се АХА и БХА киселините со висока јачина може да го отстранат заштитниот слој на кожата и да предизвикаат иритација. Одлучете се за понежниот пилинг, како што е млечна киселина. Слично на тоа, се препорачува да се избегнуваат производите на база на алкохол и да се користи ретинол во умерени количини бидејќи може дополнително да ја исушат кожата.
Фото: Pexels.com
