Иако тенок струк и рамен стомак се идеални за многумина, сè повеќе жени забележуваат постојан вишок во пределот на стомакот кој не реагира на диета или вежбање.
Во многу случаи, причината лежи подлабоко – во хормоналната нерамнотежа. Во продолжение, истражуваме што всушност претставува хормоналниот стомак, дали и како можеме да се ослободиме од вишокот од пределот на стомакот и како да спречиме повторно да се акумулира овој вишок.
Што точно е хормонален стомак и што влијае на него?
Хормоналниот стомак не мора да значи вишок килограми, туку акумулација на масни наслаги во абдоминалната област, што често е предизвикано од нарушување на хормоните како што се кортизолот, инсулинот и пролактинот. Иако мала количина на маснотии во оваа област може да биде нормална (особено кај жените), хроничниот стрес, лошиот сон, неправилната исхрана и седечкиот начин на живот можат да доведат до посериозен дисбаланс во телото.
Кортизол и стрес
Кортизолот, познат како хормон на стрес, го поттикнува складирањето на масти во абдоминалната област. Хронично покачениот кортизол, предизвикан од постојан стрес, недостаток на сон и консумирање на големи количини кофеин, ја нарушува работата на надбубрежните жлезди и го блокира процесот на согорување на мастите.
Инсулинска резистенција
Прекумерниот внес на шеќер и брза храна, како и недостатокот на физичка активност, може да доведат до инсулинска резистенција. Оваа состојба го отежнува разградувањето на мастите и придонесува за формирање на таканаречениот инсулински стомак.
Пролактин
Зголеменото ниво на пролактин може да го забави метаболизмот и да предизвика таложење на масти, особено на стомакот, грбот и градите. Со намалување на телесната тежина, овој хормон често се нормализира.
Може ли да се намали хормоналниот стомак?
Првиот и најважен чекор е секако лабораториската анализа на хормоните, вклучувајќи ја и проверката на тироидните хормони, инсулинот, кортизолот и витаминот Д. После тоа, ќе знаете што е неурамнотежено. Покрај тоа, експертите советуваат и некои други промени:
Поврзани објави
Регулирана исхрана – без индустриски преработена храна, со фокус на природни извори на протеини, здрави масти и бавни јаглехидрати.
Стабилна рутина за спиење – заспивање до 23 часот и будење помеѓу 6 и 7 часот наутро.
Физичка активност – дневните прошетки од 4.000 до 5.000 чекори можат да направат разлика.
Намалување на стресот – со помош на адаптогени како ашваганда, кордицепс и родиола розеа.
Не заборавајте , здравјето доаѓа одвнатре. Наместо да се фокусирате само на изгледот, дајте му поддршка на вашето тело преку избалансиран секојдневен живот, а резултатите нема да изостанат.
Фото: Pexels.com
