За некои, таа прва шолја кафе наутро е нешто како свет ритуал, само вие, вашето кафе и тивок момент во кој можете да уживате. Иако многумина се обидоа да го заменат кафето со зелен чај, тој сепак е најпопуларниот утрински енергетски поттик. Но, има едно нешто што треба да запомните да не го правите: да го пиете на празен стомак.
Што се случува кога пиете кафе на празен стомак?
Скокови на кортизол и хормонален стрес
Кафето, благодарение на содржината на кофеин, го стимулира производството на кортизол познат и како хормон на стрес. Нормално, нивото на кортизол е највисоко наутро кога ќе се разбудиме, но пиењето кафе на празен стомак дополнително може да го зголеми, што потенцијално ќе предизвика преоптоварување на телото со стрес. Вишокот кортизол може да влијае и на расположението, што доведува до нервоза, анксиозност или раздразливост. Со текот на времето, премногу кортизол може да го промени метаболизмот и да влијае на циклусите на спиење.
Киселост на желудникот и лошо варење
Пиењето кафе на празен стомак може да ја зголеми киселоста на желудникот. Кафето го стимулира производството на хлороводородна киселина во желудникот, која, доколку не се избалансира со некоја храна, може да ја иритира слузокожата на желудникот. Ова може да доведе до чувство на печење, гастроезофагеален рефлукс (кога желудочната киселина тече назад на цевката што ги поврзува устата и желудникот) и гастритис , особено кај оние кои веќе се склони кон стомачни проблеми. Киселината може полесно да ја еродира гастричната слузница (лизгавиот заштитен слој што ја обложува внатрешната површина на желудникот) кога не е заштитена со храна, зголемувајќи го ризикот од воспаление.
Поврзани објави
Покрај производството на киселина, кофеинот ја стимулира и интестиналната подвижност. Кога се консумира на празен стомак, може да предизвика стомачни грчеви, надуеност и проблеми со дебелото црево, особено кај оние со чувствителни црева или кои страдаат од синдром на нервозно дебело црево (IBS). Пиењето кафе на празен стомак може да го забрза цревниот транзит, предизвикувајќи непријатност и дигестивни нарушувања.
Гликемични скокови предизвикани од кофеин
Пиењето кафе на празен стомак исто така може да го промени нивото на шеќер во крвта, благодарение на кофеинот што предизвикува привремени скокови на гликемијата. Без појадок за стабилизирање на шеќерот во крвта, овој скок може да биде проследен со ненадеен пад на нивото на шеќер во крвта, што потенцијално ќе доведе до замор, глад и раздразливост. Во некои случаи, овa може да бидe проблематичнo за оние со дијабетес или нарушувања поврзани со шеќерот во крвта.
Како да го оптимизирате утринското кафе
Така, сега знаеме дека редовното пиење кафе на празен стомак може да има прилично непријатни несакани ефекти. За да ги избегнете овие, најдобро е да уживате во утринската шолја со урамнотежен појадок (размислете протеини, влакна и масти), кои можат да помогнат да се заштитат ѕидовите на вашиот стомак.
Фото: Pexels.com
