Претседателот на Украина денес соопшти дека Русија извршила напад врз бензинска станица во јужниот дел на областа Одеса.
“Сите овие напади се демонстративни и само ја потврдуваат потребата од вршење притисок врз Москва, за воведување нови санкции и тарифи сè додека дипломатијата не даде целосни резултати”, напиша Володимир Зеленски на платформата „X“.
Во исто време, Министерството за одбрана на Русија изјави дека нивните војници ја нападнале пристанишната инфраструктура, која се користи за обезбедување гориво на украинските сили.
Во извештајот не се специфицира за кое пристаниште станува збор. Руската армија исто така објави дека нивните единици ги зазеле населбите Новогеоргиевка во областа Днепропетровск, како и Панковка и Сухетское во Донецк.
мс/фото: ЕПА
