88
Украинскиот претседател Володимир Зеленски на прес-конференција изјави дека Украина не планира да ја нападне Белорусија, а во исто време избегна да одговори на прашањето дали Киев му понудил на Минск да потпише пакт за ненапаѓање.
„Сè што Украина официјално предложи, сите ќе слушнете. Можам уште еднаш да потврдам: нема да ја нападнеме Белорусија“, рече Зеленски на заедничката прес-конференција со финскиот претседател Саули Ниниште.
Белорускиот претседател Александар Лукашенко претходно изјави дека Киев му предложил на Минск да склучи пакт за ненапаѓање за белоруската армија да не се пресели во Украина.
