Зеленски: Војниците во Бахмут и Соледар ќе добијат сè што им е потребно!

Украинскиот претседател Володимир Зеленски вети денеска дека ќе обезбеди „сè што е потребно“ на украинските војници, кои ги одбиваат руските напади врз Бахмут и Соледар – два града во источниот регион Доњецк што Русија се обидува да ги заземе, пренесе БТА.

– Нагласувам дека единиците кои ги бранат овие градови ќе бидат снабдени со муниција и сè што е потребно навремено и во цел обем, напиша украинскиот претседател на Фејсбук по средбата со Генералштабот на вооружените сили.

Додека Зеленски кажува дека Соледар е под украинска контрола, шефот на Вагнер со фотографии од градот нагласи дека тој е под руска контрола благодарение на Вагнер, кои самостојно го освоиле градот.