По бомбашкиот напад врз неговиот дом на Дедиње, пејачот заминал на планина со семејството, додека осомничените се во притвор
Легендарниот пејач Здравко Чолиќ моментално престојува на Златибор, каде заминал за да се опушти по стресниот период што го преживеа со семејството. Нападот со бомба врз неговата семејна куќа на Дедиње ја вознемири јавноста, а веста го затекнала додека бил во Загреб.
Според српските медиуми, Чолиќ од Загреб директно отпатувал на планина, каде продолжениот викенд го минува во друштво на најблиските и пријатели. Ова доаѓа откако осомничените за нападот беа уапсени и им е одреден притвор до 30 дена.
Поврзани објави
Пејачот, како што се наведува, повеќе ништо не сака да препушти на случајност. Поради тоа ангажирал приватно обезбедување кое 24 часа ќе дежура пред неговиот дом. Безбедносните експерти посочуваат дека ваквите напади често имаат порака – дали како опомена или како последица на одредени односи.
За потсетување, за бомбашкиот напад се уапсени три лица, кои според истрагата имале различни улоги во извршувањето. Надлежните институции го расчистуваат случајот, додека Чолиќ се обидува да се врати во нормала по сериозниот инцидент.
printskrin youtube – jutarni list zdravko colic
