Сподели фотографија и заклучок што нема никого да остави рамнодушен.
Писателката Ведрана Рудан се огласи преку социјалната мрежа Фејсбук од својот семеен дом. Познатата авторка води битка со тешка болест и често со јавноста ги споделува своите искуства од процесот на лекување.
Ако имате тинејџер дома, вдомете куче за да ви се израдува барем некој кога ќе се вратите дома. Штета што тоа не го знаев пред 100 години – напиша Ведрана Рудан, која веќе со години ја провоцира публиката со своите критики насочени кон семејството и децата.
Во неодамнешно телевизиско гостување, Ведрана Рудан истакна дека луѓето често не умеат да направат разлика меѓу нејзиниот „лик“ и нејзиното „дело“, а тоа го објасни преку едно искуство со нејзината внука:
Мојата мала внука паметно одговорила кога ѝ рекла нејзината инструкторка: „Баба ти сигурно те тепа секој ден“… Таа беше навистина мала тогаш и ѝ рекла: „Вие не правите разлика меѓу ликот и делото“. Јас имам лик, јас пишувам, јас ги продавам своите книги – не се продавам себеси – нагласи Рудан.
Понатаму додаде:
Мојата најчитана книга е „Живот без крлежи“, во која ги „напаѓам“ децата и сите ја читаат како луди, и мислат дека пишувам за моите деца.
Не сакам да пишувам за моите деца
Ведрана се осврна и на пишувањата во медиумите, велејќи дека не ѝ пречи што нејзините текстови често се сфаќаат како автобиографија.
Јас сум писателка, женски писател, „пишувачка“… Кога пишувам во прво лице еднина и пишувам за деца, луѓето мислат дека се работи за моите деца. На порталите излезе: „Синот на Ведрана Рудан не ја посетил 6 месеци, срцето ќе ѝ пукне“. А јас со мојот син сум многу блиска, тој ми е и лева и десна рака. Тој ме создаде, благодарение на блогот. Да не беше блогот, немаше да ме има ни мене. Не сакам да пишувам за моите деца. Ние се сакаме– јасно посочи таа.
Фото: Фејсбук
