Мартовското издание на британскиот „Вог“ е последното издание на ова списание кое го уредува Едвард Енинфул. Во таа чест 40 познати жени позираа за насловната страница, а потоа ја објавија оваа фотографија на своите профили на социјалните мрежи.
Едвард беше уредник на 76 изданија, со 153 познати личности на насловните страници.
Насловната фотографија ја објави и Викторија Бекам, која е и самата на таа фотографија. Таа наведе дека е крај на една ера и истакна дека ѝ е чест што е дел од ваква кампања.
Викторија му се обрати и на Енинфул и напиша дека едвај чека да го види неговиот следен потег.
На X беше објавено видео од зад сцената, па може да се види како е направена легендарната фотографија на која се Џејн Фонда, Ирина Шајк, Линда Еванџелиста, Мајли Сајрус, Кара Делевињ, Кејт Мос и нејзината ќерка Лила Грејс Мос Хек, Салма Хаек, Кристи Тарлингтон и многу други.
