Емотивна и трогателна порака сподели Марта Хаџиманов на социјалните мрежи, со која се прости од својата баба, која почина денес. Во неколку искрени и топли зборови, таа ја опиша длабоката љубов и поврзаност што ја имала со неа, нарекувајќи ја „преубава и прекрасна“, но и вистинска дама и модна икона каква што, според неа, не постои друга.
„Бабо моја, многу те сакам. Секогаш ќе го слушам и ќе го паметам твојот трогателен, топол и нежен глас“, напиша Марта, додавајќи дека нејзината баба ѝ била модел и инспирација уште од детството. Со особена нежност се присети и на моментите кога како мала ѝ ја „крадела“ облеката и ги пробувала нејзините чевли – спомени кои, како што вели, засекогаш ќе ги носи со себе.
Пораката завршува со тивко, но моќно збогување: „Ми недостигаш, одмори ја својата добра душа и пеј“. Објавата предизвика бројни реакции и пораки со сочувство, а многумина ја препознаа искрената болка, но и огромната љубов што Марта ја чувствува кон својата баба
