Пејачката Александра Пријовиќ го роди своето второ дете во најскапата и најмодерна приватна клиника во Србија, каде што за породувањето издвоила 400.000 денари.
Цената вклучувала апсолутна приватност, раскошен апартман од највисок ранг, ангажирање на најдобриот анестезиолог и цел медицински тим специјализиран за најсложени породувања.
– На Александра ѝ беа најважни комфорот, приватноста и стручноста. Сакавме да се породи во мир, без притисок од јавноста, опкружена со најдобрите лекари. Долго размислувавме во која болница ќе се роди и на крај изборот падна на новоотворената клиника во едно елитно белградско маало. Цената е висока, но Прија работела, заработила и може да си го дозволи најдоброто – открил извор за медиумите.
Сопружниците за ќерката го избраа името Арија.
Името Арија е често во Индија и во персискиот јазичен простор, каде значи „племенито“, „чесно“ или „чисто“. Во Европа, Арија е женско италијанско име што се преведува како „зрак“, а меѓу музичарите е познато и по значењето „звук“.
Сосема е извесно дека гордите родители сакале нивната принцеза да носи име што е препознатливо насекаде во светот, но и во склад со името на нивниот син Александар – и двете почнуваат на буквата А.
