Малкумина знаат дека во нашиот стомак „пулсира најголемиот крвен сад – абдоминалната аорта. Кога нејзините ѕидови се прошируваат и слабеат, се создава аневризма – бомба со одложено палење.
Научните студии ширум светот јасно покажуваат дека ако аневризмата пукне, смртноста достигнува и до 90 отсто. Тоа значи дека мнозинството луѓе никогаш не стигнуваат до лекар. Науката не лаже – бројките се сурови.
Според истражувања објавени во Journal of Vascular Surgery, дури половина од пациентите умираат пред да стигнат до болница. Они кои сепак ќе стасаат до операционата сала, се борат за живот во драматични услови, бидејќи губењето крв во минута достигнува смртоносни количини.
Како телото предупредува за катастрофа?
Лекарите предупредуваат дека пукањето на аневризмата обично го придружува ненадејна, силна болка во стомакот или грбот, чувство на слабост, ладна пот и пад на крвниот притисок. Пациентот често ја губи свеста за неколку минути. Тоа е момент кога семејството мора да реагира молскавично, бидејќи секунда прави разлика помеѓу животот и смртта.
Кој е најзагрозен?
Поврзани објави
Истражувањата покажуваат дека во ризик се:
-
Мажи над 65 години,
-
Лица со висок крвен притисок,
-
Пушачи,
-
Лица со семејна историја на аневризми.
Ултразвучниот преглед на стомакот може рано да го открие проблемот и да спаси живот.
Стомачната аневризма е болест за која ретко се зборува, а убива подмолно. Кога ќе пукне – шансите за преживување се минимални. Затоа клучот е во превенцијата и редовните прегледи. Ако спаѓате во ризична група, не чекајте – едноставен ултразвук може да направи разлика помеѓу живот и смрт.
Текст: Убавина и здравје
