Ако интернет-сигналот во вашата куќа или стан е добар само кога стоите до рутерот, а на сите други места е послаб, не грижете се.
Постојат неколку решенија за овој проблем, кои сигурно ќе ви помогнат.
Проверете ја брзината на интернетот
Пред целосно да го обвините Wi-Fi, проверете дали вашата интернет-конекција работи непречено.
Поврзете го компјутерот директно со рутерот преку интернет-кабел и извршете го тестот за брзина на Интернет (speed test). Ако не ја добивате брзината што е обезбедена (или барем во рамките на границите) на пакетот што сте го купиле, контактирајте со провајдерот или заменете го рутерот/модемот.
Ажурирајте го firmware-от на вашиот рутер
Секогаш редовно одржувајте го вашиот рутер заради подобрување на перформансите, функциите и поголема безбедност. Проверете дали има ажурирања на рутерот во административниот интерфејс и ажурирајте ги редовно.
Поврзани објави
Поставете го рутерот на вистинското место
Понекогаш проблемот е каде се наоѓа рутерот. Рутерот треба да стои таму каде што има најмала „мртва зона“ за безжично поврзување. Поставете го рутерот во отворен простор, подалеку од ѕидовите и пречките, за да спречи пречки во емитувањето на сигналот.
Проверете ја фреквенцијата на рутерот
Конфигурирајте го рутерот за оптимални перформанси со префрлување на 5 GHz опсег, доколку имате рутер со двоен опсег. Овој опсег нуди поголема брзина и помали пречки. Осигурете се дека и двата опсези користат ист SSID заради беспрекорна врска помеѓу уредите.
Текст: Убавина и здравје
Фото: Getty Images
