Пејачот го одбележа 41. роденден, но и 11 години брак со Христина, а најголемата желба му е едноставна – мир, здравје и семејството крај него.
Димитар Андоновски имаше ден исполнет со убави поводи. Пејачот го прослави својот 41. роденден, но истовремено одбележи и 11 години брачен живот со сопругата Христина.
По тој повод, тој сподели емотивна порака во која се осврна на годините зад него и на она што денес му е најважно.
Андоновски посочи дека со текот на времето сè повеќе сфаќа оти најголемите вредности не се материјалните нешта, туку здравјето, мирот и блиските луѓе.
Само мир, здравје и моите најблиски да бидат покрај мене“, порача пејачот, заблагодарувајќи им се и на сите кои му го честитале роденденот.
Поврзани објави
Посебна честитка стигна и од неговата сопруга Христина. Таа објави семејна фотографија на која е со Димитар и нивните синови Михаил и Гаврил, со кратка, но јасна порака:
Среќен роденден“.
За Андоновски, роденденот така доби уште едно посебно значење – покрај новата година од животот, тој прослави и повеќе од една деценија помината во брак со жената со која го гради своето семејство.
