Неодамна папараците ја фотографирале Захара во друштво на младич, а откако сите светски медиуми ги објавија фотографиите, се појавија шпекулации дека тие се свршени и планираат свадба
Неодамна, папараците ја „уловиле“ ќерката на Анџелина Џоли, Захара, на љубовен состанок каде што изгледала многу среќно и вљубено. Имено, таа била фотографирана како излегува од бар во Холивуд. На фотографиите се гледа дека младата студентка седи на совозачкото седиште во автомобил со кој управува згоден младич.
Захара се обидела да се сокрие од фотографите така што навлекла црн качкет преку лицето, но не успеала. Таа била облечена во црна маица, бел краток кардиган, темни панталони и сандали. Џоли го надополнила изгледот со кафена чанта и тенко синџирче со приврзок. Но нејзиниот прстен со масивен дијамант на домалиот прст привлекол особено внимание, па веднаш се појавиле шпекулации за можна свршувачка.
Партнерот на Захара се вика Елајџа Купер. Глуми во ТВ-серии, оди на колеџот Морхаус во Атланта и живее во Лос Анџелес. Ко-основач е на брендот за облека Tints Streetwear.
Луѓето кои се на страната на Џоли се радуваат за Захара и посочуваат дека девојката буквално блеска од среќа поради младичот. Но има и такви кои се сомневаат дека Купер, всушност, не ја сака Џоли, туку едноставно тежнее кон себични цели.
Поврзани објави
„Сигурен сум дека не ѝ било тешко да најде маж кој би сакал да ја ожени“, „Дали сите се сигурни дека ова е ‘вистинска љубов’ и дека нема никаква врска со нејзината слава и милиони?“, гласат некои од коментарите.
Многумина веруваат дека Захара е омилената ќерка на Анџелина. Често се појавува со мајка ѝ на црвениот килим и се обидува да ја копира актерката. Ѕвездата е неверојатно среќна поради својата ќерка, но познато е и дека актерката сега не е во најдобра состојба. Проблемот е во тоа што грижата за децата беше најважното нешто во нејзиниот живот, но сега речиси сите нејзини наследници се пораснати, а најмладиот ќе наполни 18 години следната година. Еден од синовите на актерката се преселил и живее во нејзиниот стан во Њујорк.
Актерката почнува да сфаќа дека сите деца набрзо ќе се иселат и дека таа ќе остане сама во огромна вила. Поради овие мисли, буквално, е на работ на нервен слом. Славната актерка почнува да страда од синдромот на „празно гнездо“.
Всушност, Џоли сонува за бегство од Лос Анџелес. Но поради спогодбата за старателство со Пит, актерката не може да го напушти Холивуд додека Нокс и Вивиен наполнат 18 години. Анџелина повеќепати има истакнато во интервјуа дека нејзините деца ѝ се најблиските луѓе и вистински пријатели, со кои може да ги сподели сите свои искуства. А сега, кога нејзините деца започнуваат самостоен живот, се чувствува ужасно и осамено.
Погледнете ги фотографиите од Захара и Елајџа ТУКА.
