Артан Груби од Европскиот фронт во интервју за емисијата Дебата плус синоќа на Клан Македонија говореше за предизвиците и перцепциите за Коридорот 8, кој од страна на некои кругови се сметаше за исклучиво албански проект. За да се избегнела ваквата перцепција, Груби нагласи дека на проектот е додаден и Коридорот 10д, која опфаќа изградба на автопатот од Прилеп до Битола.
„За да не бидеме сфатени како албански проект, како дел од проектот го вклучивме и коридорот 10, за автопатот од Прилеп до Битола. Значи тоа е проект кој има два автопати, да биде избалансиран и да се смета како заеднички проект“, рече Груби.
Тој посочи и дека се уште не е завршена изградбата на автопатот Кичево-Охрид, која започна во 2014 година и се гради од кинеска компанија и кинески кредити. Груби изрази желба да учествуваат американски и европски компании во вакви проекти, тврдејќи дека проектот изграден од американска компанија како што е „Бехтел Енка“ ќе биде завршен побрзо од оној на кинеската компанија што започна пред 11 години.
„Автопатот Кичово-Охрид се гради од 2014 година, сега е 2024 година, почна со буџет од 400 милиони евра, сега надмина 600 милиони евра и го нема, бидејќи се гради со кинески фирми и кредити. . Сакавме да докажеме дека сакаме американски и европски, западен бизнис. А ние сакавме да докажеме дека проект изграден од американска компанија како Бехтел Енка на ист коридор ќе биде завршен побрзо од кинескиот кој започна пред 11 години“, рече Груби.
