Table of Contents
Единственото муслиманско племе во кое жената е главата на семејството е Туарези и тие имаат посебни правила
Додека жените ширум светот се борат за рамноправност, во срцето на Сахара со векови живее племе кое ја води оваа борба тивко, но моќно. Туарезите, номадски народ кој ѝ припаѓа на берберската гранка на исламот, е познат по необичната култура, особено кога станува збор за женската слобода, љубов и партнерски односи.
Жената е столбот на заедницата
За разлика од многуте патријархални системи, кај Туарезите жените се тие кои имаат моќ – и во семејството и во љубовта. Тие се чуварки на писмото, имотот и семејната чест. Децата ѝ припаѓаат на мајчината лоза, а мажите се селат во домот на жената кога ќе се венчаат.
Жените Туарези отворено го искажуваат своето мислење, а образованието на девојчињата се подразбира. Во нивната култура жената не се смета ниту за помалку вредна ниту за потчинета – напротив.
Љубовни односи и интимност
И покрај тоа што се муслимани, Туарезите практикуваат многу либерален пристап кон љубовта и интимноста – особено меѓу помладите. Постојат таканаречени шатори на љубовта, посебни простори каде што младите девојки може да примаат додворувачи. Врската започнува со песна, рецитација и разговор, а ако си се допаднат двајцата, физичката блискост не е табу, дури ни пред брак.
Љубовта не се наметнува кај Туарезите – таа се доживува како уметност на заведување и почит. Сексуалните односи, кога ќе дојде до нив, не се срамотни, туку се дел од слободниот избор, сè додека се темелат на обострана желба.
Поврзани објави
Девојките Туарези може да имаат повеќе додворувачи и самите одбираат со кого сакаат да бидат. Дури ни бракот не е вечна категорија – разводите се дозволени, а жената може да се мажи повеќепати без да биде осудувана.
Мажите под превез – жените слободни
Интересно е што кај Туарезите мажите носат превез, а жените – не. Тоа дополнителна ја отсликува обратната динамика на моќта во споредба со тоа што го гледаме кај другите муслимански заедници. Жените се облекуваат послободно, со гордост ги истакнуваат накитот и украсите, а нивната сексуалност не се задушува туку се прифаќа како дел од нивниот идентитет.
Туарезите денес: Помеѓу традицијата и модерниот свет
Иако современиот свет постепено продира и во пустината, Туарезите и понатаму го негуваат својот начин на живот. Нивната култура е спој на номадска издржливост, исламска вера и древна слобода – особено за жените, кои и ден-денес важат за едни од најеманципираните жени во муслиманскиот свет.
Во свет каде што на жените честопати им е тешко да се изборат за глас, жените Туарези никогаш не го ни изгубиле својот.
ФОТО: UNSPLASH
