Шефот на германските конзервативци, Фридрих Мерц, при денешното заверување на коалицискиот договор, рече дека ќе ја измени состојбата во државата во позитивна насока.
“Уверен сум дека ќе успееме да управуваме со земјата од првиот ден – со сила, планирање и доверба”, истакна Мерц на церемонијата по повод ратификацијата на договорот меѓу неговата Христијанско-демократска унија (ЦДУ), баварската Христијанско-социјална унија (ЦСУ) и левичарската Социјалдемократска партија (СПД).
Се предвидува дека Бундестагот утре ќе го избере Мерц за канцелар на Германија.
Сопретседателот на СПД, Ларс Клингбајл, за кого се претпоставува дека ќе биде вицеканцелар и министер за финансии, исто така изјави дека новиот кабинет ќе работи на економски напредок, вложување во иднината и унапредување на безбедноста.
