Претседателот на Србија, Александар Вучиќ, денеска истакна дека земјата успеала да го сочува мирот, стабилноста и безбедноста на граѓаните во тековната година, наспроти противправните дејства, стотици илјади протестни собири и бројните напади насочени кон полициски службеници, приватна и државна сопственост, како и кон луѓе.
Тој нагласи дека за претстојната година на располагање стојат две клучни цели: одржување на мирот и стабилноста, како и придонес кон тоа 2026 година да се покаже како рекордна за Србија во економски поглед.
„Имаме две цели за 2026 година – зачувување на мирот и стабилноста и втората е дека тоа ќе биде најдобрата година во историјата на Србија поврзана со економијата. За тие две цели можеме да се фокусираме и насочиме кон остварување“, рече српскиот претседател Александар Вучиќ на годишната конференција.
„Ќе ја продолжиме политиката на воена неутралност, мир во регионот, ќе се придржуваме до Повелбата и резолуциите на ОН, не само во врска со Косово, туку и сите други кризи. Во исто време, ќе ја заштитиме безбедноста на граѓаните на Србија, ќе ја заштитиме нашата земја од потенцијални агресори и ќе направиме се за да ги одвратиме од напад врз Србија.“
Тој изрази задоволство од фактот што и покрај „неколку десетици илјади нелегални собири, напади врз полицијата и имотот, стабилноста и мирот во земјата и животите на луѓето се зачувани“.
Претседателот на Србија потенцира дека во текот на 2025 година, на територијата на Србија е забележана најниска стапка на криминал, односно најниска стапка на вкупно извршени кривични дела во историјата. Според него, регистрирани 64,072 кривични дела, што е најниско во изминатите 25 години откако се водат статистики.
