Во два одвоени ракетни напади на Хезболах загинаа седум лица во северниот дел на Израел, соопштија властите, во најсмртоносниот ден од таквите напади во последните неколку месеци, пренесува Би-би-си. Израелски фармер и четворица странски работници на фарма загинаа кога ракети паднаа во близина на Метула, град на границата со Либан, изјави министерот за надворешни работи Израел Кац.
Подоцна, една Израелка и нејзиниот возрасен син беа убиени во близина на Кибуц Афек, на периферијата на крајбрежниот град Хаифа. Хезболах соопшти дека истрелал ракетни проектили врз областа Крајот северно од Хаифа и врз израелските сили јужно од либанскиот град Киам, кој е преку границата од Метула.
Израелската војска во четвртокот наутро идентификуваше два проектила кои преминаа од Либан и паднаа на отворен простор во близина на Метула. Тајландскиот министер за надворешни работи, Марис Сангиампонса, во петокот изјави дека четворица тајландски државјани биле убиени од ракетен истрел. Петтиот тајландски работник е повреден, додаде тој.
