Познатата холивудска актерка Џесика Алба беше една од гостинките на спектакуларната свадба на милијардерот Џеф Безос и новинарката Лорен Санчез, која се одржа минатиот викенд во Венеција. Меѓу многубројните славни личности, нејзиното присуство остана забележано и покрај тоа што вешто се држеше подалеку од објективите на фоторепортерите – сè до моментот кога на Инстаграм ги објави фотографиите од свеченото издание и откри какви фустани носеле таа и нејзината ќерка Онор (17), која ѝ беше придружба на венчавката.
Џесика и Онор престојувале во луксузниот хотел Чипријани, а за свеченоста, двете избраа елегантни и модерни фустани што добија бројни комплименти на социјалните мрежи.
Џесика Алба блесна во смарагдно-зелен фустан од куќата Zuhair Murad, позната по својот раскошен и софистициран стил. Фустанот беше комбинација од класична елеганција и суптилна провокативност – со делови изработени од проѕирен тул од тантела, кои нежно ги откриваа нејзините нозе и додаваа доза на гламурозен сјај.
Поврзани објави
Онор, нејзината ќерка, носеше креација од брендот Self-Portrait, во нешто помирен, но исклучително стилски тон. Младешка, софистицирана и модерна – изгледот на Онор ги освои следбениците, а многумина истакнаа колку многу личи на својата мајка. Коментарите се редеа: „како близначки“, „исти црти“, „генетиката го направила своето“.
Фото: Инстаграм
