Пејачката и водителка сподели фотографии од роденденската забава на ќерката Сена, организирана во бајковит амбиент
Пејачката и водителка Ана Севиќ на социјалните мрежи објави фотографии од прославата по повод петтиот роденден на нејзината ќерка Сена. Домот беше претворен во вистинска бајка, исполнета со бои, насмевки и детска радост.
Водителката од бракот со Дарко Лазиќ ја има ќерката Лорена, додека Сена и синот Симон се од врската со бизнисменот Даниел Неделковиќ. За најмладата наследничка беше организирана свеченост со розови, бели и сини балони, а главна тема на декорацијата беше популарниот анимиран лик Стич.
Малата Сена блескаше како вистинска принцеза – облечена во бел фустан со тил и голема бела машна на грбот. Прославата беше наменета за бројни нејзини другарчиња, а атмосферата беше исполнета со детска смеа и игра.
Поврзани објави
Покрај роденденската торта, Ана позираше со партнерот и децата, не симнувајќи ја насмевката од лицето. Инаку, таа често отворено зборува за своето детство – таткото го запознала дури кога наполнила 20 години, бидејќи мајка ѝ сама ја одгледала. Денес, како што истакнува, е во добри односи со него и има близок однос со својата полусестра.
printskrin youtube – zena rs – ana sevic