Ако некогаш сте почувствувале силна желба да го стиснете, бакнувате или „гризнете“ вашето милениче, нема причина за паника – феноменот е добро познат.
Кога миленикот е пресладок, кај некои луѓе се појавува необичен порив силно да го гушкаат, стискаат или дури нежно да го „гризнат“. Ова се нарекува „агресија од милина“, односно cute aggression.
Иако името звучи загрижувачки, тоа не значи дека навистина сакате да му наштетите на животното. Станува збор за реакција на многу силни позитивни емоции, слична на плачење од среќа или врескање од возбуда.
Поврзани објави
Феноменот често се јавува кај кученца и мали раси со карактеристики кои потсетуваат на бебиња. Сепак, експертите советуваат поривот да остане само чувство, бидејќи на кучето силното гушкање или стискање може да му биде непријатно.
Затоа следете ги знаците на стрес – зевање, лижење на усните, забрзано дишење или повлечени уши. Кај децата, пак, важно е уште од најмала возраст да се научат дека кучето не треба да се влече, стиска или гушка на сила.
kuce – pexels
