Една од најчестите грешки што луѓето ги прават при користење витамини и додатоци е претпоставката дека „повеќе“ секогаш значи „подобро“. Меѓутоа, не сите витамини и минерали функционираат добро заедно.
Без разлика дали ги земате за подобар имунитет, енергија или општо здравје, важно е да знаете како одредени додатоци се однесуваат кога се внесуваат истовремено. Според нутриционистите и медицинските експерти, постојат неколку парови витамини и минерали што не е препорачливо да се комбинираат. Еве што треба да знаете за нив.
1. Магнезиум и калциум / мултивитамин
Поврзани објави
Магнезиумот е популарен за опуштање и подобар сон, но не треба да се комбинира со мултивитамини бидејќи може да ја наруши апсорпцијата на други минерали во нив, како железо и цинк. Исто така, магнезиумот, калциумот и цинкот се натпреваруваат за апсорпција, па најдобро е да се земаат во различни делови од денот.
2. Витамини D, E и K
Овие витамини се растворливи во масти и доколку се земаат заедно, телото може да има потешкотии да ги апсорбира сите ефикасно. Најдобро е да се земаат одделно за да се овозможи максимална корист од секој поединечно.
3. Рибино масло и гинко билоба
И двете супстанции имаат својства на разредување на крвта. Кога се комбинираат, може да се зголеми ризикот од крварење, особено кај луѓе кои веќе земаат лекови за крв.
4. Бакар и цинк
Цинкот може да го попречи внесот на бакар во организмот, што може да доведе до недостаток ако се користи подолг период.
5. Железо и зелен чај
Иако зелениот чај е здрав пијалок, содржи соединенија што можат да ја намалат апсорпцијата на железо. Редовната и голема консумација може дури и да доведе до недостаток.
6. Витамин Ц и Б12
Иако двата витамини се есенцијални, има докази дека витамин Ц може да го разгради витамин Б12 ако се земаат истовремено, намалувајќи ја неговата ефикасност.
Фото: Pexels.com
