Table of Contents
Бруклин Бекам конечно ја раскажа својата страна на приказната
Бруклин Бекам првпат јавно се огласи за семејниот конфликт и во опширна изјава изнесе тешки обвинувања на сметка на своите родители.
„Со години молчев и правев сè за да останат овие работи приватни. За жал, моите родители и нивниот тим продолжија а им се обраќаат на медиумите, не оставајќи ми друг избор освен да проговорам во мие име и да ја откријам вистината за барем некои од лагите што се објавени. Не сакам да се смирам со моето семејство. Никој не ме контролира, првпат во животот застанувам сам за себе.
Целиот мој живот, моите родители ја контролираа приказната за нашето семејство во медиумите. Перформативните објави на социјалните мрежи, семејните собири и неавтентичните односи беа постојаната кулиса на животот во кој сум роден. Во последно време, со сопствени очи видов до каде се спремни да одат за да пласираат безброј лаги во медиумите, најмногу на штета на невини луѓе, само за да си ја сочуваат сопствената фасада. Но верувам дека вистината секогаш излегува на виделина“, вака ја започнал својата објава.
Скандал околу венчаницата и обид за поткупување
„Моите родители непрестајно се обидуваа да ја уништат мојата врска и пред венчавката, и тоа не престана. Мајка ми во последен момент ја откажа изработката на фустанот на Никола, и покрај тоа што таа многу се радуваше што ќе носи нејзина креација, па таа мораше итно да најде нов фустан. Неколку недели пред нашиот голем ден, родителите повеќе пати ме притискаа и се обидуваа да ме поткупат да се откажам од правата на своето име, што би влијаело врз мене, врз мојата сопруга и нашите идни деца.
Инсистираа да потпишам договор пред венчавката за да се активираат условите. Моите одбивање влијаеше врз исплатата на парите и оттогаш веќе никогаш не ме третираа исто. Додека ја планиравме венчавката, мајка ми дури и ми кажа дека сум ‘злобен’, затоа што јас и Никола решивме да ги вклучиме баба ми Сандра и баба ѝ на Никола, Науни, на невестинската маса бидејќи и двете немаа сопрузи. Нашите родители имаа свои маси, еднакво близу до нашата“, продолжил Бруклин.
Понижување на сопругата и игнорирање во Лондон
Поврзани објави
„Моето семејство постојано покажуваше непочитување кон мојата сопруга, без разлика колку се трудевме да бидеме едно. Мајка ми повеќепати во нашите животи доведуваше жени од моето минати на начини што очигледно беа смислени за да направи и двајцата да се чувствуваме непријатно. И покрај сè, сепак отпатувавме во Лондон за роденденот на татко ми, но една недела бевме одбивани додека чекавме во хотелска соба, обидувајќи се да испланираме заеднички активности со нив.
Ги одбиваше сите наши обиди што не беа поврзани со голема роденденска забава со стотици гости и камери на секој чекор. Кога конечно се согласи да ме види, тоа беше под услов Никола да не дојде. Тоа беше шлаканица во лице. Подоцна, кога моето семејство патуваше во Лос Анџелес, целосно одбија да ме видат“, напишал Бруклин.
„Родителите ме контролираа поголемиот дел од мојот живот“
„Приказната дека сопругата ме контролира е комплетно изместена. Поголемиот дел од животот ме контролираа моите родители. Пораснав со огромна анксиозност. Првпат во животот, откако се оддалечив од семејството, таа анксиозност исчезна. Секое утро се будам благодарен за животот што го избрав и пронајдов мир и олеснување. Јас и мојата сопруга не сакаме живот обликуван со имиџ, медиуми или манипулации. Сè што сакаме е мир, приватност и среќа за нас и нашето идно семејство“, заклучил тој.
ФОТО: Принтскрин Инстаграм
