Пејачката откри дека од љубопитност и хоби знае да земе работи од контејнер, а една слика ѝ донела вистинско богатство.
Пејачката Нада Топчагиќ призна дека понекогаш зема предмети од контејнер ако ѝ изгледаат вредни, а еднаш пронашла уметничка слика која подоцна ја продала за 15.000 евра. Таа истакна дека тоа не го прави од егзистенцијални причини, туку од љубов и љубопитност кон старините.
Откако дел од хрватските медиуми ја нападнале тврдејќи дека живее на работ на сиромаштија, Нада решила јавно да објасни зошто пребарувала контејнери. Како што раскажа, сликата била толку голема што едвај успеала да ја однесе до дома, а подоцна експертите утврдиле дека станува збор за вредно уметничко дело.
Поврзани објави
Пејачката објасни дека има „око“ за квалитет и дека никогаш не зема сè што ќе најде. Таа наведе дека пронашла и други вредни предмети, меѓу кои и кофа изработена во 1948 година, но секогаш внимателно проценува што вреди, а што не.
Нада откри и дека сè што ќе најде го чува во својот подрум, а во домашните обврски ѝ помага сопругот Златко. Иако не настапува често, таа вели дека заедно со него живеат од издавање недвижности стекнати со долгогодишна работа и дека никогаш не се срамела од тоа што го прави.
printskrin youtube – blic nada topcagic
