Во денешната епизода на МРЕЖА поранешниот министер за здравство, Никола Тодоров, покрај новиот клинички центар во Скопје, зборуваше и за останатите започнати, а незавршени проекти во областа на здравството кои Владата на Заев наместо да ги продолжи, ги стопираше.
– 60% е готова болницата во Штип, супстандардни се таму условите. Министерот Меџити отиде и даде една искрена изјава, јас не би се лекувал тука. Тоа е искрена изјава кога човек ќе ги воочи состојбите во една болница, е сега фали да рече јас ќе го довршам ова и да станува и да легнува со таа мисла.
Фали фокус на работа, не треба да се спие, многу работа бара секојдневно, нема сабота, недела, празник, делник, секој ден од сабајле до сабајле, тоа фали, а ова е политички изговор дека нешто е почнато од претходната власт.
Треба да се седне да се види што фали и да се доврши, за тоа треба да се седне да се направи план, да се подготви документиација, тендер и да се пушти болницата, треба некој да си ја фати таа работа и да ја заврши, вели Тодоров.
.
