Емотивната исповед на Весна ја отвори темата за насилството меѓу децата и опасностите што ги носат социјалните мрежи: „Ја научив Мина да ми кажува сè што ѝ прават на училиште“.
Весна Петрушевска отворено проговори за едно од најболните искуства со кои се соочила како мајка – насилството што, според нејзиното сведоштво, го доживувала нејзината ќерка Мина, вклучувајќи и вознемирувачки пораки и несоодветни фотографии на социјалните мрежи.
Во разговорот во серијалот „На клупа со…“ на Македонски Телеком, Весна зборуваше и за сопственото детство, кога, како што раскажа, била предмет на потсмев поради проблемот со окото. Токму тоа искуство, вели таа, ја натерало уште од најрана возраст да ја учи својата ќерка да разговара со неа за сè што ѝ се случува.
Јас на училиште бев предмет на потсмев заради моето криво око и затоа ја научив Мина да ми кажува сè што ѝ прават на училиште“, раскажа Весна.
Според нејзиното сведоштво, станувало збор за различни форми на насилство, од физичко до онлајн.
Од удирање на главата од ѕид, до виткање на рака. А да не зборувам за насилството преку социјалните мрежи“, рече таа.
Особено ја потресло сознанието дека нејзината ќерка, како што раскажа, добивала и вознемирувачки пораки и порнографски фотографии.
Значи, вие замислите, вие на 13-14 години да примите такви фотографии во своето сандаче“, рече Весна.
„Ја научив Мина да ми кажува сè“
За Весна, еден од најважните начини за заштита на детето е да постои простор во кој тоа ќе се чувствува доволно сигурно за да зборува. Таа раскажа дека често разговарала со децата за насилството и ги прашувала зошто не им кажуваат на своите родители кога нешто такво им се случува. Според неа, дел од децата одговарале дека родителите се премногу зафатени или немаат доволно време и интерес да слушаат.
Токму затоа, таа се обидела со својата ќерка да изгради поинаков однос.
Ја научив Мина да ми кажува сè што ѝ прават на училиште“, вели Весна.
Нејзината исповед отвора тема која одамна не е ограничена само на училишните ходници. Социјалните мрежи и апликациите за комуникација овозможуваат насилството да продолжи и надвор од училиштето, во секое време и на место каде што детето би требало да се чувствува безбедно.
Поврзани објави
УНИЦЕФ го дефинира сајбернасилството како насилство преку дигитални технологии, вклучително и преку социјални мрежи, платформи за пораки, игри и мобилни телефони. Во него може да спаѓаат навредливи и заканувачки пораки, споделување фотографии без согласност, вознемирување и сексуално вознемирување.
Особено сериозен ризик претставува изложувањето на децата на сексуално експлицитни содржини. УНИЦЕФ предупредува дека порнографските содржини можат да бидат штетни за децата и нагласува дека заштитата бара комбинација од родителска поддршка, едукација, безбедносни механизми и одговорност на дигиталните платформи.
„Кога гледаме, а молчиме…“
Весна во својата исповед зборуваше и за улогата на оние што набљудуваат од страна.
Кога гледаме, а молчиме, стануваме дел од публиката. Бидејќи публиката ѝ дава простор на омразата“, порача таа.
Според неа, насилството често се случува пред публика и токму реакцијата на околината може да биде значајна. Таа смета дека родителите треба да разговараат со децата и да ги охрабруваат да кажуваат што им се случува, наместо стравот, срамот или чувството дека никој нема да ги разбере да ги натераат да молчат.
УНИЦЕФ, исто така, советува детето кое доживува сајбернасилство да разговара со родител, наставник или друг возрасен во кого има доверба. При онлајн вознемирување може да биде важно да се зачуваат пораки и снимки од екранот како доказ, како и да се користат алатките за блокирање и пријавување на платформата.
Весна својата исповед ја завршува со порака за децата и младите да ја знаат сопствената вредност и да не дозволат туѓите навреди да го определат начинот на кој се гледаат себеси.
Инаку, зашто би го правеле ако не ги гледа никој? А сè доаѓа од дома“, вели таа.
Со својата приказна, Весна повторно го отвори прашањето колку е важно децата да имаат со кого да разговараат – не само кога проблемот веќе станал голем, туку уште од првиот момент кога ќе почувствуваат дека нешто не е во ред.
Видео: Инстаграм
