Сијамските близначки Камила и Валерија се вистинска атракција на ТикТок со повеќе од 200.000 следбеници, од кои повеќето се мажи
Камила и Валерија се сијамски близначки. Секој ден, илјадници мажи ги посетуваат нивните профили на социјалните мрежи и многумина од нив без срам им изјавуваат љубов на сестрите, велејќи дека не виделе ништо поубаво од нив. Ги канат да излезат, а некои одат подалеку и веднаш ги запросуваат.
Валерија и Камила се активни на ТикТок споделувајќи приказни за нивната работа како сметководителки, новости за нивното здравје, како и за неуспешните операции што ги поминале. Тие собрале повеќе од 200.000 обожаватели, кои великодушно им донираат пари и ги опсипуваат со комплименти.
@valeriaandcamila0 #viral ♬ الصوت الأصلي – itsvaleriaandcamila
Но не се сите убедени во нивната автентичност: сè повеќе се дебатира за вистинскиот идентитет на сестрите. Аналитичарите пронаоѓаат траги од код на невронски мрежи во нивниот „совршен“ изглед, што значи дека бринетите што станаа предмет на машкиот копнеж се само куп пиксели. Но идентификувањето производи на невронски мрежи не е лесна задача: само индиректни детали укажуваат на вештачка интелигенција.
Медиумските експерти ги уверуваат корисниците на социјалните мрежи дека овие сестри не постојат. Голема причина за сомнеж е тоа што сијамските близначки никогаш не се толку симетрични и пропорционални. Освен тоа, нивните видеа честопати покажуваат знаци на обработка – неприродна текстура на кожата, мали генерациски грешки…
Поврзани објави
@valeriaandcamila0 #viral ♬ الصوت الأصلي – itsvaleriaandcamila
Но од каде им се сликите од детството?
Девојките споделуваат спомени од детството, објавуваат дури и архивски фотографии од нив како мали деца. Ги покажуваат своите хируршки лузни и ја споделуваат својата приказна: лекарите не можеле да ги раздвојат, поради тоа што тие имаат две глави, а едно тело.
Експертите за дигитални измами се уверени дека овој бизнис-проект се исплати. Креаторите на моделите ја користат емпатијата на публиката за монетизација, односно, корисниците го посетуваат платениот канал на сестрите за да видат друга содржина. Границата помеѓу реалноста и лагите генерирани со невронски мрежи стана толку замаглена што публиката е подготвена да спонзорира илузија, без потреба од доказ за нејзината автентичност.
ФОТО: ТикТок
