Холивудскиот заводник и некогашен секс-симбол, Бред Пит (61), повторно ја разбранува јавноста – но овојпат не поради нова љубов или улога, туку поради нешто што многумина го сметаат за знак од судбината.
Додека милиони татковци ширум светот го поминуваа Денот на татковците со своите деца, Бред Пит беше уловен како потпишува автограми во срцето на Њујорк – дури 5.000 километри далеку од своите наследници!
Но она што уште повеќе го шокираше светот е тоа што Пит, кој со децении важеше за симбол на машката убавина, е снимен со проќелава глава! Некогашната бујна руса коса од „Телма и Луиз“ е само далечна сенка – Пит сега носи кратка фризура, но ќелавите делови веќе не може да се сокријат.
Додека го промовира својот најнов филм за Формула 1, актерот најде време и за романтична вечера со новата девојка, Инес де Рамон – токму во пресрет на Денот на татковците. Но зад блескавите камери се крие приказна што боли.
Поврзани објави
ОД ТАТКО ДО СТРАНЕЦ: БРАЌАТА И СЕСТРИТЕ СЕ ОТКАЖУВААТ ОД ПРЕЗИМЕТО ПИТ?
Бред има шест деца од бракот со Анџелина Џоли – Медокс (23), Пакс (21), Захара (20), Шајло (19), и близначињата Нокс и Вивиен (16). Но денес, семејната слика е далеку од идеална. Односите со поголемиот дел од децата се напнати, а некои извори велат дека се дури и непоправливи.
Најостар во осудата беше неговиот син Пакс, кој уште во 2020 година на Денот на татковците јавно го нарече Пит „идиот од светска класа“ и „ужасен човек“. Минатата година, Шајло официјално го отфрли презимето Пит и сега се претставува како Шајло Нувел Џоли. Наводно, и Захара и Вивиен повеќе не го користат неговото презиме.
И покрај сè, Пит останува отворен за помирување.
Ги сака сите свои деца. Без разлика што се случува, тој е само еден повик далеку. Ќе биде таму за нив – секогаш,“ изјави близок пријател на актерот.
