Истражувањето опфатило 130 новороденчиња, тестирани во првите 72 часа од животот, а научниците велат дека резултатите не треба да се толкуваат како доказ дека биологијата ги одредува сите разлики.
Ново научно истражување спроведено на 130 новороденчиња покажало дека одредени разлики во насочувањето на вниманието може да се забележат само неколку часа по раѓањето. Бебињата истовремено гледале две видеа – едното прикажувало човечко лице, а другото подвижни метални топчиња од Њутновото нишало, додека научниците ги следеле движењата на нивните очи.
Резултатите покажале дека девојчињата, во просек, почесто го насочувале погледот кон човечкото лице и подолго го задржувале вниманието на него. Кај момчињата, пак, другите визуелни дразби полесно го одвлекувале вниманието. Бидејќи тестирањето било направено во првите 72 часа, истражувачите сметаат дека долготрајното влијание на средината не може да биде единственото објаснување.
Поврзани објави
Раководителот на истражувањето, професор Сер Барон-Коен од Центарот за истражување на аутизмот, смета дека наодите може да придонесат кон подобро разбирање на улогата на биологијата во раниот развој. Сепак, главната авторка Јумнах Кан нагласува дека резултатите се однесуваат на просекот на групата и не значат дека секое девојче ќе покажува поголем интерес за лица од секое момче.
Научниците сега сакаат да утврдат дали овие рани разлики во вниманието се поврзани со подоцнежниот развој на мозокот и однесувањето. Во тек е и долгорочно истражување кое ќе ја следи истата група деца низ годините, со посебен интерес за можната поврзаност меѓу раниот интерес за социјални дразби и развојните разлики што се појавуваат подоцна.
Pexels – bebe – poroduvanje – novorodence
