Нова песна на Героски
По посетата на Михаил Рот на Македонија Геро се убедил дека ќе има значајни промени во политиката за прием на нови членки во Унијата и дека сега веќе за ВМРО ДПМНЕ би било покорисно да гласа за уставните промени.
Ама за да го спаси својот образ и образот на Мицковски предлага владата да го повлече својот предлог за уставни измени ,да се договори со опозицијата за зајакнување на текстот на преамбулата со формулации за заштита на македонскиот национален идентитет и потоа со здружени сили да се изгласаат уставните амандмани.
Малку е за верување дека ова сам го измислил Геро кој до вчера јавно го советуваше Мицковски да не гласа за промени “под бугарски диктат”.
А тоа може да значи најава за важна промена во ставот на опозицијата.
Геро е веќе долго време нејзиниот гласноговорник и треба да му се верува дека нешто е веќе сепак договорено.
Ако ова се случи сите ставови на Малинки и Калинка ќе одат низ вода.
Ѓорѓи Спасов, фб пост
Дел од новата колумна на Героски: Актуелниот предлог на владата на СДСМ и на ДУИ е лош, но има начин тој да се подобри. Текстот на Преамбулата треба да се збогати со наратив кој ќе декларира дека македонската држава, меѓу другото, почива и на историското културно, духовно и државно наследство на македонскиот народ и на неговата вековна борба за национална и социјална слобода и за создавање своја држава.
Во таа смисла, го повикувам Ковачевски да го повлече предлогот на уставните измени, а потоа брзо да предложи еден нов, значително подобрен предлог, за кој ќе може да побара поддршка од опозицијата и од граѓаните на Македонија. Откако низ отворена и плодна политичка дебата предлогот ќе добие поширока, по можност консензуална поддршка, ние Македонците треба јасно и гласно да обзнаниме – тој нов предлог ќе го усвоиме како сопствен придонес за почитување на малцинските права на Бугарите во Македонија, но си индигнација ја отфрламе идејата сите натамошни разговори поврзани со Договорот за добрососедство да се третираат како прашања формално-правно поврзани со пристапниот процес кон ЕУ.
Со други зборови, Македонија треба силно да ја поддржи и идејата на хрватскиот премиер Андреј Пленковиќ билатералните прашања кои не се формално-правно поврзани со легислативата на ЕУ да бидат елиминирани од пристапниот процес. Тоа е идеја која денес е многу важна за Македонија, но утре ќе биде исто толку важна, ако не и повеќе, за некои други земји аспиранти. За Молдавија, на пример.„Бугарската агенда” само непотребно нè оптоварува, од Македонија прави „кандидат со посебни потреби“, а ги влошува и односите меѓу двете земји и меѓу двата народа.
Време е да се ослободиме од тој товар и храбро да зачекориме напред. Маршот кон структурите на ЕУ сигурно ќе биде бавен и со ритамот „чекор по чекор“, како што најави Рот во Скопје. Но, нека стаса последниот чекор и после 2030 година, ако европските лидери се согласат првиот чекор, за нас најважниот, имено отворањето на европскиот пазар и зголемениот пристап кон европските фондови, да го исчекориме брзо. Веднаш, всушност.Без тоа, процесот на пристапување кон Европската унија ќе изгуби целосен кредибилитет. Секаде, па и во Македонија.
var penciCommentCallback = function ( response ) { jQuery.ajax( { type: 'GET', dataType: 'json', url: 'https://maktel.mk/wp-admin/admin-ajax.php', data: { action: 'penci_clear_fbcomments', post_id: '' } } ) };
FB.Event.subscribe( 'comment.create', penciCommentCallback ); FB.Event.subscribe( 'comment.remove', penciCommentCallback ); }; (function ( d, s, id ) { var js, fjs = d.getElementsByTagName( s )[0]; if ( d.getElementById( id ) ) { return; } js = d.createElement( s ); js.id = id; js.src="https://connect.facebook.net/en_US/sdk.js#xfbml=1&version=v3.0&appId=348280475330978&autoLogAppEvents=1"; fjs.parentNode.insertBefore( js, fjs );
window.fbAsyncInit = function () { FB.init( { appId: '348280475330978', autoLogAppEvents: true, xfbml: true, version: 'v3.0' } ); };
}( document, 'script', 'facebook-jssdk' ));
