Бесир Шабани е новиот член на Контролниот совет на „Македонска Навигација“ – М-НАВ, објави Македонската берза.
“Ве известуваме дека е извршена промена кај членовите на Надзорниот одбор на Акционерското друштво во државна сопственост за управување со воздушниот сообраќај и давање услуги во воздухопловна навигација М-НАВ АД Скопје.”
Во соопштението на Берзата се наведува: “Со Одлука на Владата на Република Северна Македонија во својство на Собрание на Акционерското друштво во државна сопственост за управување со воздушниот сообраќај и давање услуги во воздухопловна навигација М-НАВ АД Скопје за член на Надзорниот одбор е избран Бесир Шабани.”
Според новонастанатата измена, Контролниот совет на Акционерското друштво во државна сопственост за управување со воздушниот сообраќај и давање услуги во воздухопловна навигација М-НАВ АД Скопје го сочинуваат: Горан Јандреоски, претседател, Милорад Милановиќ, член и Бесир Шабани, член.
