Белгија се откажува од укинување на нуклеарната енергија

Белгија денес формално се откажа од своите замисли за постепено исклучување на нуклеарната енергија. Парламентот гласаше за отфрлање на обврската која постоеше две децении и даде дозвола за градење на нови реактори.

Пратениците во Брисел го поддржаа планот на новата влада предводена од конзервативците за ревитализација на нуклеарната индустрија – со 102 гласа “за”, осум “против” и 31 “воздржан”.