Американската компанија „Арџент ЛНГ“ и Албанија, лоцирана на Јадранското Море, ќе подигнат големо складиште и постројка за регасификација на течен природен гас. Овој проект е наменет за снабдување на пазарите во Западен Балкан и Југоисточна Европа.
Предвидено е складиштето да има капацитет од пет милиони тони годишно.
„Албанија има можност да стори за Југоисточна Европа она што не мора да го прави за себе, имено, да служи како сигурна точка за снабдување, со поддршка од САД. Ова ја зајакнува енергетската безбедност на своите соседи и ја потврдува нејзината солидарност со Украина во време кога енергијата се користи како средство за притисок врз регионот“, изјави извршниот директор на „Арџент ЛНГ“, Џонатан Бас.
Компанијата соопшти дека склучила меморандум за соработка со албанската влада за заедничка изградба на терминалот. Тој ќе биде поврзан со Трансјадранскиот гасовод (ТАП), како и со планираниот Јонско-јадрански гасовод (ИАП) и гасниот коридор Фиер-Валона во Албанија. Ова ќе овозможи дистрибуција на американски течен природен гас до регионалните пазари.
Преку овие регионални гасни аранжмани, оваа инфраструктура има потенцијал значајно да придонесе за енергетската безбедност на Украина.
Албанија е членка на Иницијативата „Три мориња“, а земјите-учеснички планираат да го развијат овој терминал како еден од клучните проекти во рамките на оваа иницијатива.
„Арџент ЛНГ“ веќе има потпишано меморандуми за разбирање со турската државна енергетска компанија „Боташ“ и украинската компанија „Нафтогаз“ во јули, а во август и со романскиот оператор за транспорт на гас „Трансгаз“.
Извор: МИА
