Руската армија презеде контрола врз уште две места – над Нетајлов во самопрогласената Доњецка народна република и Ивановка во областа Харков, соопшти денеска Министерството за одбрана на Русија. Што се однесува до руските офанзивни акции во областа Харков, како што претходно изјави рускиот претседател Владимир Путин, армијата дејствува во таа насока „за да ги заштити пограничните области и нејзините граѓани од постојани напади од украинска страна“, пренесе денеска Раша Тудеј.
„Украинците стрелаат точно во центарот на градот, во станбените области на Белгород, а јас реков дека ако вака продолжи, ќе бидеме принудени да создадеме безбедносна зона. Токму тоа го правиме“, рече Путин.
Руските системи за противвоздушна одбрана соборија шест наведувани бомби „Хамер“ од француско производство, 14 гранати ХИМАРС и „Ољха“ и 44 украински беспилотни летала, се наведува во соопштението на Министерството за состојбата на фронтот во претходните 24 часа.
