Синди Крафорд неодамна откри детали за својот приватен живот, како и трагедијата што ги одбележала животите на сите во нејзиното семејство.
Имено, манекенката потекнува од големо семејство, а нејзините родители по три ќерки добиле син кој таткото на Синди долго го посакувал. Меѓутоа, на само три години, тој починал од леукемија, а семејството никогаш не закрепнало од оваа трагедија.
Поврзани објави
„Не сум сигурна дали нашите родители отсекогаш сакале четири деца, но дефинитивно сакале да имаат син. Татко ми сакаше четврто дете и тоа момче“ – изјавила познатата манекенка во подкаст.
„Сите се чувствувавме виновни бидејќи знаевме колку татко ни го сакаше својот син, па мислевме дека ќе биде подобро некој од нас да почине“ – си ја отворила душата како никогаш досега.
Нејзината мајка тогаш имала само 26 години и не знаела како правилно да ги издржува своите ќерки во тежок период, кој оставил посебен белег на Синди.
