Здравствените служби се во состојба на готовност откако дознаа дека водата технички не работи во Стефановикио и во Ризомилос откако повеќе од 100 лица се примени во болницата и во Здравствениот дом во Велестино. Повеќе од 100 луѓе, меѓу кои дури 9 деца, завршија во болница поради гастроинтестинални проблеми наводно поврзани со консумирање вода за пиење во различни делови на Грција, објави српски Б92.
Девет деца се хоспитализирани на Клиниката за детски болести, а еден маж завршил на Одделот за интензивна нега. Здравствените служби се во состојба на готовност откако дознаа дека водата технички не е исправна во Стефановикио и во Ризомилос откако повеќе од 100 лица се примени во болницата и во Здравствениот дом во Велестино. Според неофицијални информации, салмонела била пронајдена во столицата на две деца.
Граѓаните се информирани за забраната за консумирање вода за пиење и таа ќе трае, велат, најмалку 20 дена. Исто така, ќе се врши анализа и истрага на водата за да се утврди причината што ја предизвикала контаминацијата на водата. Големо незадоволство има во две грчки села бидејќи мештаните целата мината недела имаа гастроинтестинални проблеми, а известувањето за неисправната вода беше објавено дури во петокот кога се појавија болни деца.
„Дирекцијата за епидемиолошки надзор и интервенции за заразни болести, ЕОДИ, на 30 мај 2024 година е известена од Здравствениот дом на Велестино за зголемен број случаи на гастроентеритис кај жителите на Ризомилос и во Стефановикио, во регионот на Магнезија“, се наведува во соопштението. Гастроентеритис е инфекција и воспаление на слузницата на желудникот и на цревата што се манифестира со повраќање, дијареа и стомачни грчеви.
