Бакингемската палата потврди дека принцезата Кејт Мидлтон нема да се појави на парадата во средината на јуни, и покрај тоа што многумина ја очекуваа. На парадата, позната како Trooping the Colour, ќе учествуваат кралот Чарлс и кралицата Камила. Но, овој пат, наместо на коњ, кралот ќе биде во кочија, а се верува дека тоа е препорака на лекарот поради неговата дијагноза рак. Кејт во јануари заврши во болница каде и беше оперирана на абдоменот. Два месеци подоцна таа на социјалните мрежи објави дека боледува од рак, но не ги откри деталите за нејзината болест. Меѓутоа, во последно време Кејт се почесто се дружи и излегува од дома.
Дејли мејл истакнува дека принцезата од Велс почесто ја гледале со своето семејство во последните неколку недели, а вработените во палатата велат дека биле преплавени со десетици илјади писма во кои и посакувале добро на принцезата. На адресата на палатата вообичаено пристигнуваат околу илјада писма неделно, а откако нејзината дијагноза стана позната, нивниот број се зголеми за десет пати.
Иако појавувањето на Кејт Мидлтон во јавноста многумина го сфатија како позитивен знак, Кенсингтонската палата нагласи дека и треба повеќе време и простор за да се опорави. Портпаролот на Кенсингтонската палата исто така нагласи дека нејзиниот изглед не треба да се гледа како враќање на работа по тешка операција.
Како што се дознава, Кејт се уште не се приклучила на своите службени обврски и јавни настапи, но таа е добро упатена во сè и ги следи сите извештаи од дома. “Голем број вработени треба да го знаат точниот распоред на настани неколку месеци однапред. Ми рекоа дека календарот на Кејт е целосно празен до крајот на годината. Воопшто ништо не е планирано. Според сите индикации, не очекувајте да се појави во јавноста оваа година“, изјави изворот за Daily Beast.
