АПИС, асоцијацијата на приредувачи на игри на среќа, составена од трговски друштва што организираат игри на среќа во автомат клубови и казина, заедно со претставници од Новоматик и Апекс од Република Австрија, бара да им се даде можност да се обратат на седницата на Комисијата за европски прашања кога ќе се обработува Предлогот на законот за измени и дополнување на законот за игри на среќа и забавни игри, во согласност со член 122 став од Деловникот за работа на Собранието.
Асоцијацијата исто така става под прашање предложените законски измени и ги смета за погрешни, противуставни и популистички мотивирани. Тие велат дека сегашното законско решение е најстрого во светот и се против измени кои би можеле да имаат крајно штетни последици за инвеститорите, работниците и државниот буџет.
АПИС бара да биде вклучен во процесот на изработка на предложените измени и да биде сослушан како засегната страна, со цел да се изработи одржливо законско решение што е во согласност со највисоките светски стандарди. Како компании што се одговорни кон општеството, тие донираат во јавното здравство, спортот, културата и учествуваат во хуманитарни акции. Нивната економска дејност годишно приходува 280 милиони евра во буџетот, што е зафаќање од 6 проценти од приходната страна на централниот буџет предвиден за 2023 година.
