Анџелина Џоли е една од најголемите ѕвезди на годинешниот филмски фестивал во Венеција, каде што се појави првпат по речиси две децении! Познатата актерка работи на промоција на нејзиниот нов филм „Марија“, биографска драма за познатата оперска пејачка Марија Калас.
Освен со впечатливите модни избори на годинешниот филмски фестивал во Венеција, Анџелина Џоли (49) направи уште еден генијален маркетиншки потег, осигурувајќи дека сите ќе зборуваат за неа, а со тоа и за филмот!
Имено, актерката наводно пристигнала во италијанскиот град на вода во друштво на новото момче!
Таа во средата попладне беше фотографирана како излегува од хотелот во Венеција во друштво на британскиот рапер и политички активист Акала!
Извори блиски до Анџелина за „Ин тач“ изјавија дека таа се гледа со 40-годишниот новинар нешто повеќе од една година, но нивната врска ја окарактеризираа како „лежерна“.
Поврзани објави
Акала, наводно, им се придружил на Џоли и нејзините ќерки Захара и Шајло минатиот мај на книжевниот фестивал Калабаш во Јамајка. Сведокот откри дека бил „жестоко заштитнички настроен кон сите три додека ги следел наоколу“. Двојката потоа повторно беше видена заедно шест месеци подоцна на заедничка вечера во Милано.
Инсајдерот додаде дека она што најмногу ја привлекува Анџелина е тоа како Акала се однесува кон нејзините деца.
Мислам дека голем дел од нејзината привлечност кон Акала, освен физичката, е тоа што тој е добар во интеракцијата со нејзините деца бидејќи тоа ѝ е многу важно“, вели изворот.
Фото: Printscreen Instagram, Getty Images
Видео: Instagram (@harpersbazaarmx)
