Од денес, кога ќе кажеме ,,одиме во кино”, тоа значи дека одиме во Кисела Вода!
Со нов дух и нова енергија, ги отвораме вратите на она што започна како визија на поранешната, сега за жал покојна градоначалничка Билјана Беличанец.
Со бројни проекти, го олеснивме пристапот на граѓаните до културните сцени и збиднувања, давајќи им можност и на уметниците за експресија на нивниот креативен потенцијал.
Возобновувањето на домот на култура ,,Билјана Беличанец” и отворањето на кино во Кисела Вода после 35 години се вистинска илустрација за олеснувањето на патот до културната сцена, но и за создавањето на нови платформи за уметниците каде што ќе можат да го споделат својот уметнички израз.
Посебно ми е драго што договоривме соработка со Киноверзум, кои во изминатиот период се етаблираа како силен столб помеѓу македонската културна сцена и светската филмска индустрија.
И искрено и од срце се надевам дека кога ќе се каже ,,одиме на кино”, првата перцепција и мисла на секого ќе биде киното во Кисела Вода. А вечерва заеднички го правиме првиот чекор!
