Администрацијата на американскиот претседател Џозеф Бајден нападите на Киев врз објекти на Крим ги смета за губење ресурси, јавува американската телевизија „Си-Ен-Ен“, повикувајќи се на американски официјални лица.
Тие тврдат и дека официјален Вашингтон е скептичен за украинските напади на полуостровот.
„Според некои претставници на администрацијата на Бајден, овие напади служат само за пренасочување на вниманието, а во најлош случај, тие се само губење на огромна количина ресурси. „Таквата стратегија ги расеа украинските сили во премногу различни правци“, рече телевизијата.
Се наведува и дека нападите на Крим не носат некои значајни резултати и, според соговорниците на американската телевизија, Киев треба повеќе да се фокусира на контраофанзивата при која досега не успеале да ја пробијат руската одбрана.
