Есента носи пократки денови, свеж воздух и први вклучени радијатори – а со тоа и промени што кожата веднаш ги чувствува. Наместо да чекаме сувоста, затегнатоста и ситните брчки да станат видливи, вистинското време да ја прилагодиме негата е токму сега. Дерматолозите се согласни: неколку едноставни секојдневни навики можат да направат голема разлика.
Со доаѓањето на постудените денови, кожата почнува да се однесува поинаку. Станува посува и почувствителна, се појавуваат ситни лушпи и црвенило, а знаците на замор и стареење полесно излегуваат на површина.
Дерматолозите од реномираниот германски производител на медицинска козметика Еуцерин објаснуваат дека клучот за здрава кожа во студените месеци е во навиките што ги практикуваме секој ден.
Еве неколку добри есенски навики што вреди да ги воведете уште денес.
1. Изберете млак, наместо жежок туш
Нема ништо поубаво од топол туш по студен есенски ден. Но, премногу жешката вода ги отстранува природните масла што ја штитат кожата, па таа побрзо ја губи влажноста.
Добрата навика е едноставна: туширањето нека трае од пет до десет минути, а водата нека биде млака.
2. Мијте се нежно, со средства без парфем
Мирисот на ванила, кокос или омилениот парфем во гелот за туширање можеби е пријатен, но не мора да ѝ годи и на кожата.
Производите со додадени мириси и агресивни состојки можат да ја иритираат чувствителната кожа и дополнително да ја исушат. Затоа, во студените месеци дерматолозите препорачуваат нежни средства за миење, без парфем.
3. Хидрирајте во првите три минути по туширањето
По туширањето, кожата почнува да ја губи влагата, особено ако воздухот во просторијата е сув.
Затоа, хидратантниот крем нанесете го во првите три минути, додека кожата е сè уште малку влажна. На тој начин се задржува дел од водата во површинскиот слој на кожата.
За есенска и зимска нега особено се препорачуваат медицински креми со керамиди и други состојки што ја поддржуваат природната кожна бариера.
4. Заменете го агресивниот пилинг со смирување и нега
Кога лицето ќе почне да се лупи, првата помисла често е дека треба да ги отстраниме мртвите клетки. Но, пречестиот пилинг може дополнително да ја оштети веќе чувствителната кожа.
Внимавајте особено со силните механички пилинзи и производите со киселини. Во студените месеци, приоритет треба да бидат смирувањето и хидратацијата на кожата.
5. Вклучете го и навлажнувачот, не само греењето
Сувиот воздух во загреаните простории е еден од најголемите непријатели на кожата. Кога влажноста на воздухот е ниска, кожата полесно ја губи водата, а последиците се затегнатост, чешање, црвенило и испукани усни.
Дерматолозите препорачуваат користење навлажнувач на воздухот, особено во спалната соба, со негово редовно чистење.
6. Дајте ѝ на кожата медицинска нега за здрав изглед
Есента е идеално време за обнова на рутината по летото, кога сонцето и топлината оставиле траги на кожата. Науката денес нуди нов поглед на стареењето: начинот на живот и факторите од околината – сонцето, стресот, загадувањето и нездравата исхрана – можат да ги променат епигенетските карактеристики на кожата и да ги „исклучат“ таканаречените гени на младоста.
Токму на ова откритие се базира Eucerin Hyaluron-Filler + Longevity Epigenetic Serum. По 17 години истражувања во епигенетиката, научниците на Eucerin ја развија патентираната Age Clock Technology и активната состојка Epicelline®, која помага повторно да се активираат гените на младоста, па клетките на кожата се однесуваат помладо.
Серумот видливо ги намалува 10 знаци на стареење – од брчките и ситните линии, до цврстината, контурите на лицето, хидратацијата и сјајот. Збогатен е и со хијалуронска киселина, која длабински хидрира и помага брчките видливо да се пополнат. Првите видливи резултати се забележуваат по четири седмици, а 98% од испитаничките потврдиле дека кожата им изгледа помладо.*
Нанесете го наутро и навечер, како прв чекор во рутината, на добро исчистено лице, врат и деколте. За уште поголем ефект, може да се комбинира со дневната и ноќната нега од истата Epigenetic линија.
7. Не заборавајте на заштитата од сонце
Многумина мислат дека кремот со SPF е резервиран само за летото и плажата. Но, ултравиолетовото зрачење е присутно и наесен и во зима, дури и кога надвор е облачно.
Затоа дерматолозите препорачуваат заштита од сонце во текот на целата година. Практично решение е дневна нега што ги спојува хидратацијата и заштитата – како Eucerin Hyaluron-Filler + Longevity Epigenetic Day Care SPF 30, која ја штити кожата од понатамошно стареење предизвикано од сонцето.
Мали навики, голема разлика
За здрава и негувана кожа не мора секогаш да потрошите цело богатство. Пократко туширање, понежни препарати, навремена хидратација, повлажен воздух во домот и паметно избрана нега можат значително да помогнат.
Ако сувоста е проследена со силно чешање, болни пукнатини или црвенило што не поминува, потребна е консултација со дерматолог.
Есента не мора да значи уморна и сува кожа. Понекогаш најубавата промена започнува со навиките што ќе ги воведеме – и со негата што ќе ја избереме со знаење.
*Тестирање на производот кај 160 жени во период од четири седмици.
